DENUNCIA• 21/1/03

COMITÉS DE SOLIDARIEDADE COSAL-GALIZA COM A CASA ENCANTADA

Comités de Solidariedade COSAL-GALIZA expresamos o nosso total rejeitamento ao desalojo do Centro Social A CASA ENCANTADA, ubicado na rua Castrom de Ouro nº 14, por parte do governo municipal do concelho de Compostela.

Este Centro social leva funcionando dun jeito auto-gestionado e contínuo desde o ano 1991, desenvolvendo actividades sociais e de formaçom, todas con carácter totalmente altruista. É ademais sede social de diversas asociaçons como, a Asociaçom Casa Encantada, PreSOS, Marcha Mundial de Mulheres na Galiza, Formigueiro, Negativo/Positivo, Mulheres Nacionalistas Galegas, Berro Bam-Bam, e outras.

Este local foi ocupado en 1991 devido á inexistência de locais para as organizaçons e colectivos sociais da cidade. Doce anos mais tarde a situaçom nom cambiou quase nada, por parte do Concello, e segue sem haver locais onde as asociaçons poidan trabalhar livremente, reunir-se ou organizar actividades.

O Concelho de Compostela nom só nom facilita locais para a mocidade senom que se dedica a atacar desprestigiar e destruir o Centro Social mais dinámico, aberto e reconhecido pola maioria das organizaçons da Galiza.

O desalojo de A CASA ENCANTADA, de se producir, vai ser um duro golpe ao asociacionismo de toda a comarca de Compostela.

Nesta cidade ademais de curas, turistas e estudantes há outra muita gente que vivimos e trabalhamos aqui e precisamos de locais, como o de A CASA ENCANTADA, para formar colectivos ou desenvolver actividades, que o concelho de Compostela nom quere ou nom permite criar, a pesares de toda a cantidade de impostos que pagamos.

NOM AO DESALOJO E DERRUBO DE A CASA ENCANTADA

MENOS ESPECULAÇOM E MÁIS CENTROS SOCIAIS

TOD@S SOMOS CASA ENCANTADA

COSAL-GALIZA