Boletín Outrasvozes, núm. 0. Marzo de 2004

SAHARA: Marcha internacional ao muro da vergoña no Sahara Ocidental.

Pola paz e autodeterminación do pobo saharaui ¡¡ Exixamos á ONU que cumpra os seus compromisos !!
Tras mais de 28 anos de ocupazón marroquí, cremos que chegou a hora de que o Pobo Saharaui poida decidir realmente sobre o seu futuro, mediante a celebrazón dun referendo de autodeterminazón. Os intentos de chegar a unha soluzón política xusta e democrática están a ser boicoteados pola postura intransixente de Marrocos. As datas previstas son do 7 o 11 de abril de 2004.

Como consecuencia diso, deceas de miles de saharauis sofren o exílio nos Campamentos de refuxiados/as, fora das suas fronteiras e dependendo da solidariedade internacional para cobrir as necesidades mais elementais. Por non falar das vítimas directas da ocupación militar marroquí que se atopan pechadas tras do muro da vergoña de mais 2.000 Km, sementado por mais dun millón de minas e sometido/as nas zonas ocupadas a unha brutal represión e violación dos Direitos Humanos.

A disposizón polo Fronte POLISARIO para explorar as posibilidades que oferece a proposta realizada polo enviado persoal do Secretário Xeral da ONU ao Sahara Ocidental, James Baker, coñecida como "Plano de Paz para a libre determinazón do Pobo do Sáhara Ocidental", abriu unha nova via para unha soluzón xusta, pacífica, e negociada deste longo conflito.

Ante a negativa de Marrocos a iniciar conversacións para a aplicazón do plano da ONU, que suporia de feito a prolongazón innecesária e inxusta do sofremento do pobo saharaui, facemos un chamamento a todas as Instituizóns e á sociedade civil a participar na "Marcha pola Paz ao muro da vergoña que divide o Sahara Ocidental" e asi, de forma simbólica, mostrar o noso rexeitamento á ocupazón marroquí.

A Federación Estatal de Instituizóns Solidárias co Pobo Saharaui, a Coordinadora Estatal de Asociacións de Amigos do Pobo Saharaui, os Intergrupos Parlamentários "Paz para o Pobo Saharaui" e a Asociación Internacional de Xuristas polo Sahara Ocidental, convida-lles a participar nesta marcha solidária para denunciar a situación das famílias saharauis que se ven obrigadas a permanecer separadas a ambos lados do muro.

Exixamos á ONU e á Comunidade Internacional que cumplan as resoluzóns do Consello de Seguranza e acabe dunha vez por todas co sofremento e a traxédia dun pobo cruelmente esquecido que confia na legalidade internacional e que espera, tras 28 anos, que se faga xustiza.

Contactos:

Coordinación estatal de Asociacións de Solidariedade e Amizade co Pobo Saharaui: sahara-coord.estatal@wanadoo.es

Federación Estatal de Instituizóns Solidárias co Pobo Saharaui : fedissah@fedissah.org