Quen estexa en favor do chamado "libre comercio", estará en realidade contra o Mercosur. Para ser coherente, este debe protexer aos países que o integran do mesmo modo en que, por exemplo, nos países da Comunidade Económica Europea se privilexian. coa integración europea, Bélxica ficou mais perto de Portugal, pero ambos ficaron mais lonxe de Brasil.

É o mesmo mecanismo -de protección e de regulamentación económica- que posibilitou, a escala nacional, que países como Brasil puidesen industrializarse , aínda que de maneira parcial e deformada, ao longo do século XX. Se se mantivese a política de "libre comercio" existente ate 1930, continuaríamos sendo unha economía primaria e exportadora.

É o mecanismo de integración rexional, coa protección interna para cada espacio integrado, o que pode permitir que países como Brasil podan conseguir unha integración soberana e non subordinada, como a actual.

¿Por o que o Mercosur entrou en crise? polas políticas de apertura económica -de "libre comercio"- dos gobernos de Fernando Henrique Cardoso e Carlos Menem, incompatíbeis cos procesos de integración rexional, que requiren formas de regulamentación e de protección, as que foron precisamente combatidas e debilitadas por eses gobernos.

¿Como superar esa crise? co fortalecemento e non o debilitamento do Mercosur, comezando pola creación dunha moeda común, que résgate a Arxentina do risco de dolarización e críe un espacio de integración, inicialmente para América do Sur, que paralelamente proxecte a Brasil como líder rexional. E, ao mesmo tempo, desenvolver unha política exterior multipolar, que rexeite o ALCA e olle cara Europa, China, India e o sudeste asiático.

O libre comercio significa a política do vale todo, de quen mais pode, chora menos, o triunfo dos mais fortes, neste caso, das grandes potencias económicas, que ademais de todo criaron os seus megamercados de integración rexional, como a CEE e o TLCAN, en Europa Occidental e en América do Norte, respectivamente.

A actual crise revelou como cada goberno -o de Bush, principalmente- se protexe dos seus efectos mediante medidas de protección. Non debemos critica-los polo facer , se non por ter un discurso de "libre comercio" e na práctica actuar de maneira proteccionista. O que necesitamos é protexer os nosos intereses, rompendo co actual político pasivo do goberno brasileiro fronte á crise internacional, e levar á práctica unha política activa de reorganización do Mercosur, profundándoo e estendéndoo , en lugar de aceitar o seu debilitamento e ate a súa reducción. Ao contrario, debemos loitar contra o "libre comercio" e en favor do Mercosur.

Emir Sader. Sociólogo brasileiro, catedrático da Universidade de Rio de Janeiro. Membro do Partido dos Traballadores (PT) de Brasil.

Fonte:

Rebelión. http://www.rebelion.org