¡PARA QUE CESSE A VIOLENCIA EM COLOMBIA!

A campanha Mundial é um mecanismo de pressom e de denúncia permanente e sustida contra as políticas da ETN Coca-Cola no mundo, para que esta, repare integralmente os danos causados, modifique a sua política e se comprometa a respeitar os direitos humanos das trabalhadoras e trabalhadores e da povoaçom.

A nossa luita é pola paz com justiça social e polo bem-estar dos povos, por isso abraçamos a luita contra a guerra, contribuimos à construçom do movimento contra a globalizaçom capitalista, participamos na luita contra o ALCA e compartimos as iniciativas da Aliança Social Continental, do Foro Social Mundial e de todas aquelas que lhe permitam aos povos atingir a felicidade, a soberania e a liberdade.

A luita contra a globalizaçom capitalista, é a luita contra a política das transnacionais; a iniciativa que desde distintos recunchos do mundo vimos adiantando contra a transnacional Coca-Cola, fai parte da luita contra a guerra e polo bem-estar dos nossos povos.

As organizaçons sociais, e de direitos humanos, que participamos nas três sessons da Audiência Pública Popular "Héctor Daniel Useche Berom" Contra a Impunidade "SINALTRAINAL CLAMA JUSTIÇA" declaramos a campanha mundial contra a Coca-Cola, entre outros polos seguintes motivos:

pola violaçom dos direitos humanos das trabalhadoras e trabalhadores e as comunidades.

-Polo benefício obtido com o assassinato, prendemento, desterro, sequestro, ameaças de morte e despidos, de dirigentes sindicais em Colómbia, Guatemala, Perú, Brasil, Estados Unidos, Venezuela, Palestina, Turquia, Iram e em outras partes do mundo.

-Pola contaminaçom de fontes de agua com desperdícios das suas embotelhadoras.

-Pola discriminaçom racial contra as comunidades negras e os enfermos do SIDA nos Estados Unidos e África.

-Pola utilizaçom da coca para a fábrica dos seus produtos e o seu apoio às políticas criminais dos Estados Unidos contra as comunidades, que tradicionalmente sustentarom a sua cultura e a sua subsistência na folha de coca, especialmente de Bolívia, Peru e Colómbia.

-Pola utilizaçom irracional do agua no mundo e polo roubo criminal de fontes de agua às comunidades na Índia.

-Por apoiar à criminal oligarquia Venezuelana, que atenta contra o governo e o projecto de vida digna do povo da irmá República Bolivariana de Venezuela e pola sua intromissom histórica nos assuntos internos dos povos.

-A campanha Mundial declara-se a partir do dia 22 de Julho de 2003, que na sua primeira fase terá umha duraçom dum ano. O II Foro Social Mundial declarou o 22 de Julho como o dia internacional contra Coca-Cola.

-A campanha Mundial consiste nom só em NOM CONSUMIR PRODUTOS DA TRANSNACIONAL Coca-Cola, é igualmente umha campanha permanente e sustida de actividades de denúncia, movilizaçom e luita contra a sua política.

Colómbia constituiu-se em modelo de uso extremo da violência para impor a mundializaçom neoliberal. Toda forma de organizaçom social que resiste está a ser exterminada: indígenas, labregos, obreiros som assassinados por se opor às pretensons dos investimentistas. Cada ano neste país som assassinados mais sindicalistas que em todo o resto do mundo.

Coca-Cola Company, Coca-Cola de Colómbia, o seu filial Panamericam Beverage -Panamco S.A.-, adquirida por Coca-Cola FEMSA, e Bebidas e Alimentos de Urabá S.A. som responsáveis por acçom ou omissom desta política de aniquilamento contra o movimento social, a qual gerou o assassinato de 9 trabalhadores, o exílio de 2, o deslocamento forçado de 48, ameaças de morte contra 67, prendemento por falsas acusaçons contra mais de 15 obreiros polos caluniosos sinalamentos de funcionários de Coca-Cola, quem os acusam de terroristas e delinquentes, estigmatizando e satanizando a nossa actividade sindical.

Os informes sobre direitos humanos dam testemunho do permanente actuar de grupos paramilitares que actuam em cumplicidade com as forças armadas e corpos de segurança do estado favorecendo às multinacionais e as suas filiais. As suas pressons ilegais contra os dirigentes sindicais, obrigarom a centenares de trabalhadoras e trabalhadores a desafiliarse do sindicato, forçou-se a renúncia aos seus contratos de trabalho, desconhecem-se os convenios colectivos e imponhem-se baixos salários à mao de obra que está subcontratada em perto do 86% dos trabalhadores.

Esta política laboral, fundada sobre o terror, permite a Coca-Cola aumentar enormemente os seus benefícios.

Tamém em outros países -como Guatemala, Filipinas, Pakistám, Índia, Israel, Venezuela, etc.- o movimento social denunciou a Coca-Cola por utilizar directamente, ou a través das suas filiais, a violência, o incumplimento das leis laborais, os abusos, o financiamento e a sua participaçom na oposiçom a governos democráticamente escolhidos, para atingir os seus fins económicos. A multinacional foi denunciada por discriminaçom racial, polo uso irracional do agua e o dano ao meio ambiente; e nom se quijo comprometer cos consumidores a nom utilizar matéria prima e produtos genética modificados.

Se afirma que Coca-Cola usa folha de coca, mentres que os indígenas que a usam desde tempos imemoriais, som reprimidos.

SINALTRAINAL iniciou umha acçom judicial contra Coca-Cola e as suas filiais em Colómbia numha corte dos Estados Unidos, com fundamento na lei Aliem Torts Claims Act., polos abusos de que forom vítimas os trabalhadores sindicalizados.

As organizaçons e pessoas do mundo que realizamos o ano anterior a Audiência Pública Popular Héctor Daniel Useche Beróm "Contra a Impunidade SINALTRAINAL Clama Justiça", acordamos declarar o início dumha campanha mundial contra Coca-Cola a partir de hoje, 22 de Julho de 2003, e aprovamos umha proposta de reparaçom integral das vítimas, a qual foi apresentada à transnacional a começos deste ano.

A campanha Mundial consiste numha série de iniciativas que vam desde NOM CONSUMIR OS PRODUTOS Coca-Cola, retirar os quartos dos bancos e empresas onde Coca-Cola tenha presença (des-inversom), fazer actos de movilizaçom, denuncia, protesta e toda acçom consciente que contribua a obrigar a Coca-Cola a reparar integralmente os danos causados, a que modifique a sua política e se comprometa a respeitar os direitos humanos das/os trabalhadoras/es e da povoaçom.

Ao Estado colombiano exigimos-lhe deter a criminalizaçom da protesta social, o prendemento de dirigentes sindicais e populares e comprometerse num processo de soluçom política que permita que o povo colombiano conquiste a paz e o bem-estar.

Porque amo a vida...Nom amo Coca-Cola
Porque financia a guerra...Nom financio Coca-Cola
Nom financio Coca-Cola...Nom financio a morte

COMITÉ INTERNACIONAL
CAMPAÑA MUNDIAL CONTRA COCA-COLA
!PARA QUE CESSE A VIOLÊNCIA EM COLÓMBIA¡

Fonte:

SINALTRAINAL http://www.sinaltrainal.org/