As companhias estado-unidenses procuram mediante o Plan Puebla-Panamá, expoliar México e Centro-América.

Trás das "bondades" do Plan Puebla-Panamá (PPP), concebido polo presidente Vicente Fox, está o "apetito" de polo menos 20 companhias estado-unidenses polos recursos e a biodiversidade que florescem no sul de México e em América Central.

Tal e como asegura Julie Light, editora geral de CorpWatch, organizaçom nom governamental com base em Califórnia, o PPP encaixa perfectamente coa agenda da administraçom do presidente George W. Bush para América Latina, porque se trata de "um governo fervorosamente favorável ao livre comércio".

Ao respeito o investigador Miguel Pickard sinala: "mais que um propósito altruista por fazer entrar à regiom ao século XXI, é o cámbio na percepçom das corporaçoms sobre o proveito que podem tirar dos recursos naturais da área, o que impulsa ao PPP".

As poucas ONGs estado-unidenses que polo de agora prestam atençom às consecuências do Plan Puebla-Panamá -como CorpWatch e Global Exchange- coincidem que o objectivo final é que a zona remate "competindo cos salários que se pagam nos países do sul-este asiático e converti-la em ponto de entrada para o transporte de bens produzidos nessas naçons"

Fonte:

El Proceso, México.