O novo decreto (RD 1971/99) propiciou nalgum caso a asignaçom de 0% de minusvalía a pessoas com enfermidades moi graves.

F.J.C.S. vizinho de Compostela perdeu o seu direito a percibir a prestaçom nom contributiva, logo de que a equipa de valoraçom da Delegaçom Provincial de Lugo realizara a valoraçom.

O companheiro foi reconhecido como preso enfermo que padece umha enfermidade grave e incurável em 24 ocasioms polo Julgado do Penal de Compostela e a Audiência Provincial de A Corunha, sendo qualificado cum nivel de minusvalia do 81% pola lei velha, agora cos "novos criterios" é considerado "capaz", e lhe asignan o 0% de minusvalia, sacando-lhe a cartilha sanitaria e a pensom nom contributiva, justo agora que se atopa em prisom.

Desestimada a excarceraçom dum Preso enfermo na cadea de A Lama.

O Juiz "progre" Luciano Varela da Audiencia Provincial de Pontevedra, em vez de por em liberdade a Fernando Lourenzo Garrido, insulta aos Colectivos Sociais que solicitarom a sua excarceraçom.

Fernando Lourenzo Garrido, atópase cumprindo condéa no Centro Penitenciario de A Lama (Pontevedra), desde hai 6 anos e atopa-se enfermo da SIDA , em estado grave, padecendo entre outras enfermidades Toxoplasmose Cerebral, candidiase Orofarinxea,Gingovoestomatite Grave, e Hepatite C e B.

A Associaçom preSOS, así como os Comités Antisida de Galiza ( Vilagarcía, Compostela, Lugo, Vigo, A Coruña, Ourense) solicitarom a excarceraçom por motivos humanitários em aplicaçom do disposto no art 196 do RP. Assi mesmo organizárom-se 7 concentraçoms de protesta diante da sede do Xulgado de Vixianza Penitenciária de Pontevedra.

Em datas recentes a Audiencia Provincial, e o seu relator o Sr Luciano Varela (jurista distinguido pola súa posiçom progresista ) ditou um Auto desestimando a solicitude de excarceraçom , por entender que nom concorre a gravidade física alegada por estes colectivos, assí como manifesta unha belixerancia contra os colectivos cidadaos que solicitárom a excarceraçom denominando-os como "pretenciosos" e" sem a máis mínima credibilidade" .

Perante esta situaçom convoca-se aos colectivos cidadaos para manifestar a sua repulsa diante das deplorables "descalificaçoms e insultos" realizados polo "juiz progresista" Sr Luciano Verala.Informa-se que a campanha de apoio cidadao a Fernando Lourenzo nom cessará, polo que se estan articulando medidas de carácter legal, e de apoio popular.