A Casa Encantada é ou único centro social livre e auto-gestionado em Compostela (Galiza). Leva funcionando desde o ano 1991, e está a serem atacada polo concelho de Compostela e @s especulador@s de turno, que nom tenhem reparo em se passar polos baixos as suas leis de conservaçom do patrimonio histórico com tal de "progresar" a base de formigom, derrubando edificaçons de máis de cem anos de antigüidade e acabando ao tempo, cum lugar de trabalho e juntanza de gentes muito variadas que nom gostamos de bailar ao som das suas gaitas. Esperamos ter-vos informad@s pontoalmente do desenvolvemento da luita e das convocatorias que fagamos para manter em pé, tanto a Casa como a labor social que se fai em ela, desde ela e graças a ela.

Como Asembleia Permanente da Casa Encantada, proponhemos as seguintes medidas urgentes:

1.-REUBICAÇOM DE A CASA ENCANTADA. Proponhemos que, por parte do Concelho, se ceda o "uso" com carácter de balde, da casa propiedade do concelho, emprazada na caleja do Poxigo de abaixo (em fronte de onde esta a CIG, a última casa baixando a mam direita). O inmovel está composto por umha horta, dous alpendres e umha casa. A cessom é factível, ja que é propriedade Municipal por cessom das constructoras do parque urbano de Belvís, e ou único uso que lhe podem dar é de carácter socio-cultural, por atopar-se dentro do parque urbano de Belvís (PU5).

2.-Fazemos um chamamento a todos os colectivos para formar parte deste novo projecto, que será reclamar o uso e aproveitamento destes locais, de jeito auto-gestionado, ante o grupo de governo deste Concelho. Para elo constituira-se a Fundaçom A Casa Encantada da que formaram parte todos os colectivos que, actualmente precisam dum local, em Compostela, para realizar as súas actividades. Hoje por hoje estes colectivos som: Pres.S.O.S., M.N.G., Rádio Kalimero, Marcha Mundial de Mulheres e Negativo/Positivo. Sabemos que som muitos máis. Atrevédes-vos a formar parte?.

3.-Solicitamos por parte do grupo de governo do concelho as seguintes medidas:

Que suspenda a licença de derrubo dá Casa Encantada, mentres se tramita o Recurso Contencioso Administrativo ante o Tribunal Superior, co fim de que se poidam apresentar as nossas legítimas alegaçons sobre destrucçom do patrimonio etnográfico sem que isto suponha a destrucçom prévia do inmovel.

Que estabeleça umha comissom negociadora, co fim de discutir as possíveis medidas de reubicaçom da Casa Encantada no inmovel Municipal antes descrito, estudando as propostas específicas mencionadas no apresente escrito, assi como o estabelecimento das condiçons de uso e aproveitamento.

Que emita resoluçom pola que se acorde a cessom do inmovel referido, a favor da Fundaçom A Casa Encantada e dos colectivos que a componhem, por um período de 99 anos, co fim de permitir a continuaçom desta labor social.

4.-No caso de serem desalojados pola forza, reservámo-nos o legitimo dereito a emprender acçons de re-ocupaçom de inmoveis que permitam proseguir co nosso legítimo projecto. Acçons nas que tamém estades convidadas/os a participar.

Enfim, abondos historietas para ser unha soa carta pero todas atingem a mesma reflexom, convocámos-vos às asembleias contra o desalojo, que estam tendo lugar todos os luns às nove da noite na Casa Encantada, tanto para apuntar-vos ao novo projecto como para formar parte da resistência ante o desalojo.

Fonte:

Casa Encantada http://www.casaencantada.org