Porque a case seis meses do afundimento do Prestige:

1- Estamos na mesma situación. O buque segue afundido soltando fuel que chega ás costas.

2- As praias seguen envenenadas co fuel baixo a area e os fondos continuan asfaltados de chapapote.

3- Ainda non se atopou unha solución urxente e definitiva para o buque afundido. Din que van empezar a facer probas en setembro, e logo nos diran que hai mal tempo.

4- Na Galiza non ficou nengún buque anti-contaminación que poida limpar o fuel do mar antes que chegue ás costas.

5- Segue sen haber planos de emerxencia frente a este tipo de catástrofes. Nen medios de prevención, protocolos fiabeis de actuación e meios de protección.

6- Segue habendo o mesmo tráfico de mercadorias perigosas, frente ás nosas costas, xestionado polo capitalismo especulador e criminal. Só no mes de xaneiro 150 buques con estas mercadorias e con máis de quince anos de antigüidade, atracaron nos portos do estado.

7- Os gobernos do estado e de Galiza seguen coa mesma actitude sobervia, prepotente e a sua demostrada incompetencia.

8- Segue habendo manipulación informativa, ocultación de información e mentiras por parte da administración.

9- As autoridades poñen em perigo a saúde dos consumidores abrirndo as vedas de pesca e marisqueo para forzar unha imaxe de normalidade.

10- A información sobre as análises que se lhes fai aos productos do mar e os resultados non é accesibel. Criando incertidume sobre a salubridade dos productos.

11- O silencio da administración sobre os aspectos toxicolóxicos da maré negra é inaceptavel. Desde a Xunta dixo-se que no fuel non habia benzopireno (canceríxeno), mas as análises deron que si.

12- Non se está a facer un estudo epidemiolóxico que permita coñecer os efeitos do chapapote sobre a saúde humana a meio e longo prazo.

13- Muitas das mascarillas que se reparten non son as axeitadas xa que non protexem dos componhentes nocivos do fuel. Incluso chegou-se a dicer (Rajoy) que o uso das mascarillas non era necesario.

14- A empresa Tragsa e o exercito seguem destrozando os ecosistemas do litoral abrindo pistas, trasladando a area das dunas com escavadoras, limpando com hidrolimpadoras que o único que fan é diluir o fuel e devolvelo ao mar...

15- As institucións fan unha apropiación ilexítima do esforzo da sociedade civil, cuando o único que fixerom é entorpecer e criar problemas. Só a actuación decidida e sacrificada dos mariñeiros e de milleiros de voluntários, permitiron iniciar a luita contra a contaminación nas nosas costas, diante da auséncia do Estado e acción gubernamental.

16- Seguen poñendo dificultades aos voluntarios cuando veñem limpar, agora até os acusam de drogadictos e ladróns (alcalde de Muxia).

17- Os traballadores e traballadoras do mar que participan nas movilizacións seguen a sofrir presions nas suas vilas e postos de traballo.

18- Criminalizan e insultan ao pobo galego cuando sae a rua a exixir responsabilidades.

19- O "Plan Galicia" é electoralista. Inclúe proxectos de infraestruturas que xa estaban comprometidas xunto con outros que non estan orzamentados e non contempla os investimentos necesarios para a limpeza, rexeneración e repovoación das nosas costas e a sua aplicacion non vai devolver-lle ao noso litoral a sua inxente riqueza.

20- A estas alturas non se depuraron responsabilidades nen demitiu ninguém.

21-A ineficacia, irresponsabilidade, improvisación e descoordinación das autoridades permitirom que o accidente tivesse as piores consecuencias que supuseron unha gravísima crise con consecuencias no plano social, económico e ambiental.

MEXAN POR NOS E DIN QUE CHOVE