Com o desalojamento da Casa Encantada em Compostela 16 colectivos ficamos sem local social onde reunir-nos e realizar as nossas actividades, colectivos que trabalhamos dum jeito activo na cidade, aportando visons distintas e propondo alternativas.

-Neste processo de desalojamento pudemos observar até onde pode chegar a prepotência do alcalde socialista Pepe Sanchez Bugalho, que prefere deixar-nos a todas estas associaçons na rua antes de sentar-se a negociar. Incluso os especuladores de Construciones Iglesias estavam dispostos a buscar umha soluçom negociada para realojar estes colectivos, cousa que nom é da sua competência, mas si do concelho.

-O soberbo alcalde Bugalho di que é um problema entre particulares e que o concelho nom se tem que meter, mas si que é umha competência do concelho que nom haja locais para as organizaçons sociais e culturais. Este prepotente indivíduo tamém di que a gente okupa por diversom, e que há outros jeitos de pedir locais sociais, mas a realidade é que se okupa por que nom existem locais em compostela e muitos colectivos levam anos solicitando local ao concelho. Nom existiam há 12 anos quando se okupou a casa e nom existem agora. O Concelho de Compostela nom só nom facilita locais para a mocidade senom que se dedica a atacar desprestigiar e destruir o Centro Social mais dinámico, aberto e reconhecido pola maioria das organizaçons da Galiza. Para que está o orçamento do concelho?, para que tem tantos locais valeiros infrautilizados e até alguns em ruínas?, para que pagamos impostos @s cidadans?.

-O arrogante alcalde Pepe Bugalho prefere especular com os terrenos da cidade, como outros companheiros do seu partido, tristemente conhecidos, que fazer umha política social para os vizinhos da cidade.

-O déspota Pepe Bugalho fijo-se o xordo ante a proposiçom de realojo da Casa Encantada na casa cedida ao concelho polas construtoras do parque urbano de Belvís, emprazada na caleja do Poxigo de abaixo. Na proposta a Casa Encantada fazia-se cargo da reabilitaçom do edifício. Esta proposta si foi apoiada pola maioria de associaçons e colectivos que trabalham na cidade.

-A Casa Encantada estivo funcionando 12 anos nos quais estivo aberta a todo o mundo, nestes anos conseguiu-se fazer, sem orçamento algum, quase mais actividades sociais, de jeito gratuito, que o Concelho de Compostela. Figerom-se cursos de tai-chi, guitarra, teatro, gaita, pandeireta, informática, etc. deu-se assesoramento judicial gratuito a toda a gente que o precisou, houvo um ciber com quinze computadoras a disposiçom de todas as organizaçons, locais de ensaio e de reuniom abertos, e foi local social de 16 associaçons.

-A Casa Encantada leva varios anos sendo atacada polo concelho de Compostela e @s especulador@s de turno, que nom tenhem reparo em passar das suas próprias leis de conservaçom do património histórico com tal de "progressar" a base de formigom, derrubando edificaçons de mais de cem anos de antiguidade e acabando ao tempo, cum lugar de trabalho e juntança de gentes muito variadas que nom gostamos de bailar ao seu som.

-{{Onte as 10:00 da manha a Casa Encantada foi desalojada mas a Casa Encantada continua viva e seguirá funcionando por muito que se empenhem o bugalho e os seus reaccionários compinches.}}

{{MAIS CENTROS SOCIAIS E MENOS ESPECULAÇOM}}

Fonte:

Edi.

Para saber máis:

Casa Encantada, http://www.casaencantada.org/