Primeiro foi o exército estadounidense, agora é Israel quen aplica a censura en internet. Concretamente a iniciativa partiu da directora de censura militar, Rachel Dolev. Atraves dunha misiva dirixida aos responsáveis dos sítios web de notícias, lembrou-lles Dolev a sua obriga de obter o permiso do governo antes de publicar información sob "asuntos que poidan supor unha ameaza para a seguridade do estado de Israel e dos seus residentes". Asi son as cousas...

Toda información sensível sob os ataques de Estados Unidos e Reino Unido a Iraque será censurada. Dolov esixe a webs como Rotter.net ou Fresh.co.il que se adapten ás circunstáncias e adquiran unha "especial sensibilidade" para acatar as suas instrucións. Tamen lembrou que os censores estarán disponíveis de forma permanente. Algo fixo extensível tamen aos corresponsais que informan en directo desde a zona do conflicto. Por exemplo queda proibido publicar a localización exacta dos impactos dos mísiles (so rexións), asi como o tipo de mísil utilizado até que fontes militares autorizadas o anuncien. Tampouco serán reveladas as operacións militares de defensa, mobilización de reservistas, decisións do governo e colaboración con paises extranxeiros.

Esta postura do governo israelita non é nova. No informe elaborado por Reporteiros Sen Fronteiras para medir a liberdade de expresión, Israel figura detrás de Palestina, Zámbia ou Camboia. É máis, o RSF revela que durante o 2002 o Comité de Protección dos Xornalistas condenou os "intentos das Forzas de Defensa israelitas por intimidar á prensa para que non cubra as suas cada vez máis extensas campañas militares nos territórios ocupados".

Fonte:

Daniel Seseña, La Corriente Alterna, http://lacorrientealterna.com/